Saturday, November 4, 2017

To brand or not to brand this is the question. لازم البوفتيييييك عشان محدش يقول حاجة

في محلات موجودة من زمان لتركيب الperfums 
تروح المحل. تقوله على الfragrance اللي عايزها.
هو في دقايق يكون عملها و مديهالك. 
ريحتها قوية و قريبة جداا من الbrand الاصلي، بس مش هو هو. بس ساعات بتبقى احلى و اقوى.
المهم كان في labelling على الناس اللي بتروح المحلات دي انهم  يع و ايخي و بلدي اوي يا حسين.. 


المهم. عدت سنين و الجنيه غرق.. قووووووووووم ايه؟ 
الاقي النهاردة ناس بتسأل على brand للperfumes . افتكرته مصنع مصري... قلت صنع في مصر بفخر و كده و لازم نشجع الصناعة المحلية. 
 قوووووووووم ايه، يطلع محل تركيب زي بتوع زمان بس فاتح في CFC و CITY STARS  ده طبعا سبب كافي انه يخليه "مش" بيئة اوي يا حسين. و الناس كلها بتروح له و كمان بيجيبوا منه هدايا. 

طبعا انا معنديش مشكلة في ده. انا اصلا كنت بركب كتير عند كرامة اللي في سفير. و الاصلي اللي كنت بشتريه كنت بجيبه بنص التمن من كرامة اللي جنبه او محل تاني مش فاكره اسمه.
ف انا معنديش مشكلة في التركيب او التوفير كمبدأ في كل حاجة. غير طبعا تشجيع الصناعة المحلية و المشاريع الصغيرة و هكذا. ليه ادفع اكتر لما ممكن ادفع اقل؟ خصوصا لو الQuality كويسة و فلوسي مش في الارض ولا طبعا في reactions مضرة للصحة.

و معنديش مشكلة برده اننا مع الوقت نكبر و ننضج و نغير وجهات نظرنا و تقييمنا للاشياء...الخ

مشكلتي مع الناس اللي بقت تعمل كده و مازالت محتفظة بنفس فكر زمان. االحكم على الاشياء و الاشخاص من ال brands او ثمن الشيء او حتى المكان اللي اشتريت منه. بالذات يعني لما تكون استخدامه الشخصي مش هدية لجنابك الموقر. 

الحقيقة انا سعيدة لاتجاه الناس لايجاد طرق للتوفير. بصرف النظر عن ان السبب يزعل و هو احتضار الجنيه و غرقه.
بس مبسوطة من الخروج برة صندوق اهدار الاموال. 
بس نفسي نستغل الفرصة و نعمل reflection  على كيفية تقييمنا للامور و الاشخاص.. اننا نسيب الناس في حالها. اننا ندرك قيمة الفلوس و نبطل نرميها في الارض عشان منظرنا و خلاص. 

في حالات لازم نجيب فيها براند و لاسباب كتير. المهم نعمل ده و احنا غير مستعبدين. هتشتري براند او لا فيكون ب وعي و  لاسباب. و عامة اي حاجة تعملها يكون بوعي و لاسباب. حبذا لو الاسباب دي تكون لاسباب اكثر اهمية و عمق و ثبات عن : "لازم البوفتييييك عشان محدش يقول حاجة" 🙄

No comments:

Post a Comment