Monday, March 27, 2017

الاحتياج لتحقيق لتغيير دائم

قريت المعلومة دي عن ليه الاطفال بيحبوا يقطعوا الورق و انه يا إما عشان بيحبوا صوت الورق و هو بيتقطع او عشان بيقدروا يحققوا تغيير دائم في حاجة.
و هنا جتلي فكرة بعيدة شوية عن رغبة بعض البالغين في تدمير الاشياء.. هل بداخلهم رغبة باحداث تغيير دائم؟ طب لو ده حقيقي ليه مبيفكروش في البناء ليه فكرهم بيروح اتجاه التدمير و الهدم..
و ارجع تاني للطفل ليه بيفرح بفعل التغيير ده عن طريق الهدم مش البناء.. هل لصغر سنه و هي دي الوسيلة الوحيدة اللي يقدر يعمل بيها تغيير لانه لسة مش قوي كفاية انه يبني...
طب هل ده له علاقة باحساس البالغ اللي بيسعى للتدمير انه مش حاسس انه يقدر "يحقق" غير كده؟ 


 بداخل كل منا احتياج نفسي يسعى لل"تحقيق" achievement
البعض منا يمتلك القدر الكافي من المحبة و النضج و السواء الذي يدفعه لاشباع هذا الاحتياج عن طريق التحقيق الايجابي.. البناء
و البعض الآخر لا يؤمن بقدرته على البناء فيلجأ لاشباع هذا الاحتياج عن طريق الهدم.. فالهدم يحقق مفهوم أحداث تغيير دائم دون الالتزام او بذل الكثير من العناء او المثابرة او المجهود او الوقت او المحبة التي يتطلبها البناء.
و البعض الآخر يختار الهدم عن وعي و ليس عن ضعف.
18 فبراير 2015

No comments:

Post a Comment