Tuesday, March 7, 2017

سلاما طيبا و صلوة :)

ابطال! للناس اللي عايشة بالحق و المحبة و يجولوا يصنعوا خيراً منغير دوشة ولا كاميرات ولا بوستات ولا حتى حكاوي..
كل الاحترام ليهم و لكل اللي بيساعد اي انسان انه يلاقي نفسه و يكتشف امكانياته و هدفه في الحياة و يشجعه يشد عوده و يلاقي كنزه المدفون جواه.
سلامي للي بيشبع اجساد و نفوس جعانة غذاء و محبة و قبول.
سلامي للي يسند تعبان جسديا و معنويا و ماديا منغير ما يفضحه ولا يعايره.
سلامي للي بيقولوا كلام ايجابي لغيرهم منغير مناسبة او مصلحة.
سلامي للي بيبتسموا بقلوبهم قبل وشوشهم في وجوه كل اخر القريب و الغريب و المختلف.
 سلامي للي فيوم ساعد حد و لما اتقوى و مشي و سابه, معتبروش مديون له بعمره. مزعلش انه قدر يشق طريقه لوحده بل فرحله انه مبقاش محتاجه خلاص
سلامي للي عارف هو بيعمل ايه و ليه و كل شوية يراجع نفسه و دوافعه و يرجع لما يتوه مهما بعد يرجع.
سلامي للي مبيخافوش يحلموا ولا يجربوا يحققوا احلامهم و اللي بيساعدوا غيرهم يحلموا و يحققوا.
سلامي للي بيسمع للاخرين عشان يعضدهم و يونسهم مش عشان يدينهم و يقيمهم.
 سلامي للي بيشيل الحلوة -مش الوحشة- و يشكر و يحاول يعمل لغيره زي ما اتعمل معاه

No comments:

Post a Comment