Tuesday, August 25, 2015

بحبها بعنف وبرقة وعلى استحياء

لما كبرت اتعلمت ان الحب مش موقوف او مشروط على مدى جمال و صلاح و تناسب المحبوب معايا، الحب الحقيقي ملوش سبب معين يجب توافره في المحبوب. لانه متوقف عليا انا مش على المحبوب.
و برده الزمن علمني إن مش معنى اني بحب حد اني لازم اربطه زي الحجر في رجلي و انا نازلة البحر
و عشان كده بقول بكل وعي اني بحب مصر حب واعي مش مجرد حالة مزاجية او مراهقة رومانسية. حبي لمصر موجود و ثابت و متأصل جوايا وقت ما بعاني من قسوتها و اعاتبها زي بالضبط وقت ما ابقا شايفاها بنت حلوة بعيون سمرة رموشها طويلة و كحيلة و شعرها اسود طويل مالي الليل... بحبها..
@marmaritaaa
بحبها وهى مالكة الارض شرق وغرب
وبحبها وهى مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زى الداء
واسيبها واطفش فى درب وتبقى هى ف درب
وتلتفت تلاقينى جنبها فى الكرب
والنبض ينفض عروقى بألف نغمة وضرب

2 comments:

  1. http://mirette-nabil.blogspot.de/2015/09/blog-post_19.html

    ReplyDelete
  2. http://mirette-nabil.blogspot.de/2015/08/blog-post_76.html

    ReplyDelete