Friday, June 26, 2015

تنهيدة عميقة

مش قادرة امنع نفسي من اني كل شوية افكر في كم الضغط و الزيف اللي الناس بتفرضها على بعض. مع ان في الاصل كلنا عندنا نفس الاحتياجات و نفس الاسئلة و نفس الرغبة في التمرد على الفكر العفن ده..
مش قادرة ابطل تفكير في حجم الاختلاف الخزعبلي في طريقة حياتنا لو كنا بنسيب بعض كل واحد في حاله.
مش قادرة مفكرش في كم الارتياح و الهدنة اللي هنعيش فيها لو رحمنا نفسنا و الاخرين من كل الهري و الرفض و الخوف من بعض.. 
بجد مش قادرة مفكرش في كل ده.. و التنهيد اللي بتنهده و الحسرة و الغلب اللي بحسهم علينا، مش بس اللي بيعانوا من تدخل الناس و ضغطهم بل من اللي بيضغطوا و يتدخلوا لاني متأكدة انهم بيعملوا ده من تيههم و تعبهم و احتياجاتهم الغير مسددة زي بقية الخلق بالضبط بس المؤلم اكتر انهم مش متصالحين لا مع اسئلتهم دي و لا تمردهم ولا احتياجاتهم.. 
#تنهيدة_عميقة
@marmaritaaa

1 comment:

  1. كلنا #تحت_السيطره smile emoticon
    سيطره مجتمع وناس وعيب وعادات وتقاليد عملها ناس ماتوا وسابونا نقع في البلاعه بتاعتهم .. تحت سيطره تفسير مسمي "العلاقات" بشكل غلط ..تفسير غلط لدرجه ممكن تخلق رغبه في الوحده لانها بتكون حاله اكثر سلاما مع النفس ومع الناس للاسف ..
    الحل هو الحريه..بس اللي وصلت له انه الانسان ممكن يشعر بالحريه وهو لوحده وده بيبقي انجاز .. لكن لما يشعر بحريته وسط الناس بيبقي انتصار ..
    وعلشان يحصل الانتصار ده الامر مايخلاش انه هايكون صادم للناس وهايتهموه بالجنون smile emoticon بس الحريه تستحق smile emoticon

    Josephine Hanna

    ReplyDelete